| FOUR's profile小四の私房菜๑۩۞۩๑ ...¤¸¸.·´¯...PhotosBlogLists |  Tools  Help |
|
August 11 做超人真的很累！ 上学期，超人般的生活已经过去，不过果时一直有人陪住在身边，唔会觉得辛苦。而家他去咗上海做实验了，有排都未返得来，冇咗一个人撑住有D唔惯。
今日我个同门终于狠心地把老板的实验扔下，返河北屋企了。老板只能把她未完成的任务交埋畀我，而我自己本来也有很多任务。顿时觉得好心烦。后来BF就讲起他地果度一个博士老李的故事，我觉得大受启发：
前日同老李讨论过一个甘样嘅问题：“如何系单位保护自己”。 老李而家身处这样嘅一个环境，因为他有能力并且系新人，所以单位嘅领导咩事都交比佢做，而家佢手头上做紧两个课题，有组织参加单位里举办的知识竞赛，又要做一些文书的工作，每天都要加班到晚上，周末都要加班。而领导们又催着要课题结果，哈哈，我话你就算每日有30小时都做唔掂了。然之后就谈到需要保护自己的问题上面来嘞。我话，搏表现呢唔系用晒自己所有时间来搏的，唔系用条命来博的，系金子始终都会发光，老李，你需要一个进度安排，不要逼自己一下子就能将所有嘅事情做好，领导们不断安排甘多野畀你做系一种变相嘅欺负，如果你每次都博命甘按时做完，甘领导们就会以为系你应份完成的，以后就按这样嘅工作量安排你工作，甘以后你都会失去咗你自己自由嘅时间。但系你而家作为一个新人，又系需要绝对服从上级命令的喔，推又唔系，不推又很辛苦，点算呢？一个两难嘅处境。我讲咗一个方法：如果上级要你准备一个课题讨论，事先一定要准备一下，但不能将所有的都准备好，只要准备到别人讲嘅你听得明，加上自己嘅一d意见就得嘞，毕竟最后作决定嘅唔系老李你！其他事情也是这样道理，如果事情只需做到80％就唔好做到100％，如果事情拖2天就也无问题，那就拖它一天吧！（如果事情紧急就要准时完成咯）。系事业单位，有时候就算你表现再好也未必能提早升迁，省下一点时间对自己的工作生活作一下反思，留给自己一点放松的时间，或者比盲目服从更能展现你的能力，不要让别人觉得你是一个超人，因为超人很累的，自私一点来说，做超人很亏。仲有一点就系，自己有多大能力是一方面，但是千万不要盲目去接下不是自己能力范围的事情，没有人是全才，没有人可以什么都懂，等你把事情搞垮之后就无人可以帮你的！ 不要逼自己做超人，也不要认为自己是超人。 唔知你对呢个讨论有咩想法呢？或者从集体或者奉献或者抢功或者争取表现个层面上讲我嘅睇法太唔可取嘞，毕竟，领导们安排你做甘多野系对你嘅信任，或者说你难得有机会表现下自己嘅能力······仲有一点就系，自己有多大能力是一方面，但是千万不要盲目去接下不是自己能力范围的事情，等你把事情搞垮之后就无人可以帮你的！ 但系我始终坚持自己嘅想法，系呢嘅社会工作得最多，表现得最好，最能得领导信任的人未必就系前途最大的人。毕竟人事呢d野好多时候唔系直接同身份地位等同的。既然系呢个社会就要学下去遵守呢个社会嘅游戏规则。
其实我觉得他讲得好有道理。我性格就系太过于服从人，尤其是领导老师交给的任务，总要做得好，他们要我做100分，我就想做到120分，或者可以认为我是一个完美追求者，但系是否这样就能讨好领导，讨好同事呢？可能会适得其反，反而容易招人妒忌，或者畀人觉得系搏出位，因而疏远你，更有甚者踩翻你落地。
做超人其实好累的。我应该听他话，凡是都要慢慢来，唔好逼自己。 August 05 半年的汇报 唔经唔觉已经半年冇上来SPACE了，系时候汇报我这半年的近况了。
上学期我的同学话我成个“女超人”甘精力超丰沛。睇下我嘅作息时间表就知啦。
3－5月份我的生活工作安排如下：
7:00 起床
8:00 出门搭车返工
9:00-12:00 在东风东路的汇丰电子资料处理公司做partime（周一、二、三、五）
13:00-14:00 4月份组织兼参加研究生院际篮球赛
14:00-17:00 周一至周五上课
落课后的晚上 在实验室做实验
24点前 瞓觉
周六日 组织球赛或其他活动，冇工作就去做实验，偶尔返下屋企。
6月开始由于要开始准备期末考，加上学生会换届事情比较多，我辞了那份工。但是我的工作却增加了，因为6月的换届中我当选了兽医学院研究生分会的副主席以及学校研究生会体育部部长。在换届后接手一些学生工作，发觉自己一开始很没有信心，怕自己做不来。在经过一班兄弟姐妹一同工作及培训后，逐渐上手，也能得到领导和同事的认同。不过真正的挑战是从下学期开始，作为学院副主席我要处理自己学院很多日常工作，作为校研会体育部部长我需要组织很多体育比赛项目，面对那么多的挑战其实我真怕应付不来，加上少了某人在身边鼓励支持出谋献策，只能靠自己应对了，不过我有信心我能做好的。
上个学期我参加了很多比赛、活动，得着真不小。例如
3月份 参加学院恒丰强班际篮球赛 我基础兽医研究生队获冠军 （男子打5人，中场女子打3人，分数相加）
4月中 组织并代表研究生参加学校组织的乒乓球团体赛 研究生女队获全校冠军 男队获季军 （本科生以学院为单位，全校研究生为一个单位）
4月份 组织并参加研究生院际篮球赛 我代表学院参加女子三人篮球赛获亚军 男队获冠军 （指研究生中以不同学院为单位）
这学期是丰收的一年，经过研究生第一年的艰苦努力，取得很好的成绩，认识了一大班不同学院不同专业不同年级的兄弟姐妹。我并没有因为学生会和partime的工作影响了学习，我平均成绩仍能有90分以上，还评上了优秀研究生一等奖，可惜奖金只是本科时一等奖的三分一。另外，我居然入咗党了，在而家呢个社会仍算值得光荣的事情。
人人放暑假了，但我今个暑假仍要留在实验室帮老板做实验，皆因呢个科研项目是同日本合作，想快D出成果与其他国家斗快发表论文。老板很重视，几乎日日来实验室了解我地的进展，搞到我好有压力。
暑假就来放完了，在8月中会同阿妈和堂细佬去HK玩返两日，去迪士尼疯狂下，释放下，减下压，唔系对唔住呢个美好的暑假，对唔住我自己了。
8月24日我又要开始准备迎新工作，意味住我下学期的工作开始了，又要同大家告别一段时间了。不过我都希望把所有开心和唔开心的事情与大家分享，我唔会令大家失望的。
February 22 好耐冇写了～ 好耐冇写了，差D忘记了space的存在，或者可以讲大脑已被更多的东西填满，把一些旧东西覆盖了。
好耐冇写了，已忘记当初的一切冲动，生活变得忙碌，生活变得复杂，反而思想开始麻木。
一切变化得好快，就算多少精彩也会被另一精彩所掩盖，已经不知道如何去迎接，只有向前，没有时间往后回顾，分分钟似在打仗。
放假了，时间好似慢了很多，我可以瞓下懒觉，睇下电视，上下无聊的网站，听下歌仔，这样的生活虽然轻松，但会觉得乏闷，想出去玩玩，但没有伴侣。有时好想快D返学，但又害怕忙碌的生活，人生变得好矛盾。
对住电脑，我已经唔知可以做乜，对住电视，唔知可以睇乜，生活变得无聊啊！ October 02 生活充实很满足！ 时间飞逝，开学已一个月。我已完全适应了这种忙忙碌碌的生活，呢个月过得非常充实又好开心，太多事情已不能只用一两句话描述，未来日子blog可能会少写，我会得闲奉上我的最新生活照片补偿了。 September 14 开学忙！ 开学前的忧虑已经全部消失啦！好开心识到好多新同学，绝大部分都係外省的，河南、山东人占咗大部分。我与我的舍友相处融洽，几投缘嘎。
可能同现任学生会主席比较熟又加上係本校生，一开学就被主席任命我暂时做女生果边的负责人，好多事做啊，日日周围跑。虽然好忙，但我好快就和新生们打好关系了，如果呢段时间做得好，以后在学生会锻炼机会更大，想做大官就EASY多了。
今个学期好多课要上啊！除咗要上学位课3门、选修课3门，老板仲要我多听3门其他学院专业的课程，几乎排满每日的课程表。老板仲要我多D去实验室帮手，如果俾我一日有30个钟，一个星期有10日就好咯！
开学两个星期，今日终于可以抽空返屋企了，其实都係屋企有事先返来咋，唔係大把嘢等紧我做了。
研究生的生活真係咁繁忙吗?
September 03 入宿～ 终于都等到开学了，今日提前一日把行李搬入宿舍。
记起我执行李呢几日真係辛苦，为咗方便一次过打部的士车晒返宿舍，把所有东西（必需用嘅，唔常用但都有用嘅，将来要用嘅，可能用到或可能用唔到嘅嘢）一次过执晒起身，经过压缩处理，塞满了两个大红白兰胶袋、一个大皮箱、两个大储物箱（还未包括一些贵重物品和随身物品）。今朝把行李搬到屋企楼下等的士时，楼上阿姨问我去边，我话返华农，佢就惊叫到“华农咁近使唔使搬咁多嘢啊？不如搬埋屋企部冷气啦！”我应到“如果宿舍俾装冷气我都肯啊！”
的士在华农兜咗半个圈，终于去到山卡拉咁远嘅六一区研究生宿舍。因为新起冇几耐（其实有1、2年历史，我仲要住二手房），道路仍很泥泞，加上朝早落过雨，周围都係泥水。把行李几经辛苦终于搬到新宿舍（801，好高，好在有电梯）。入到宿舍，已经有个外省妹入咗宿不过未执嘢。见到房间灰尘满天已经唔想郁了，又冇扫把，又冇拖把，唯有等舍友返来买齐工具搞完卫生先再把我D物件清理出来。
今日的心情，兴奋得来又好失落。兴奋当然係入宿开学；失落一，我住的果层8楼，竟然只有三间房（6个人)係自己学院，其他人全部住晒9楼，有D被遗弃的感觉；失落二，以前同校的四个女生住埋一起（两两配对），仲要与我相隔八千里，有D好孤单的感觉；失落三，东西太多，房屋太脏（阳台对住是工地，好大尘），有D不知所措的感觉。
突然好怀念以前华山区宿舍的一切，怀念华山的旧同学，怀念华山的宿舍，怀念华山的饭堂，怀念华山的游泳池，怀念华山的篮球场......
平淡中渡过了生日～ 平淡的今日使我几乎忘掉了是否自己生日。
早上8:30，和屋企人饮过早茶。
朝早至下午15:30，几乎一直睇电视，闷到要睇超女10进8的回放。
下午16:00，01级的老鬼们回来打波聚会，睇波期间被恶毒的蚊子狂咬，唯有和师妹去第二个场同D唔识嘅师弟打波，打到好攰。
晚上， 老鬼们食饭辗转两间饭馆才能食到安乐茶饭，第一间新开张实在太差了，被迫转移。
22:30，拖着疲劳的身体回了家。
这一天，除咗身边几个好友发过下短信祝贺咁就过了一天。毕业了，旧人已不在，新人仍没来，在我踏正开学呢个时候生日真係唔知幸运还是不幸。 September 02 又生日了！～ 9月2日，今年第二个生日来啦～
今年闰咗7月，我有3个生日。第一个生日在顺德过的，师兄请我食大餐，正！ 今日将会有班毕咗业的好朋友回来聚会，应该会比较开心（不过佢哋都唔知我生日），到时会点，好期待。
不过我最想都係同屋企人过～ August 26 疯狂长隆 8月24日实习完，从顺德经过番禺返广州，途中杀入番禺的长隆欢乐世界癫返下。果度真係超多刺激嘢玩，有号称获过吉尼斯世界纪录的全球除咗英国第二个十环过山车，有亚洲首台U型滑板，有东半球首台摩托过山车，仲有国内最大的儿童室内恒温游乐城。
我哋朝早10:30左右到达现场，下午17:00撤退，一共玩了9个项目，当然包括最刺激最好玩的5个项目：十环过山车、龙卷风暴、摩托过山车、U型滑板以及急流勇进。由于不是周末，除咗最刺激的要排差唔多半个钟头队外，其余都唔算十分多人唔使排好耐。其实我哋仲有好多时间玩其他，不过其他项目觉得唔够刺激好玩就冇玩了，最紧要玩咗最有代表果几样嘛，唔係就会遗憾嘎了！
下面去片，推荐下比较好玩的项目啦！
首先出场的是经典之作－－十环过山车
尖叫度：★★★★ 刺激度：★★★★ 好玩度：★★★★★ 特点：每次冲落来向心力好劲，个心几乎被抛出去，有10次头要转落地，好晕。时间约1分30钟。 第二个出场係龙卷风暴
尖叫度：★★★ 刺激度：★★★ 好玩度：★★★★★ 特点：坐在凳上不停打转，最刺激部分，在最高点360度快速旋转。向心力不强，所以心被抛出去的感觉冇咁犀利。旋转得好劲，晕！时间约2分半钟。 第三个出场：摩托过山车 尖叫度：★★★ 刺激度：★★★★ 好玩度：★★★★★ 特点：从起点（滑行一段平路后）开始加速，2.8秒可加速到80公里每小时，之后一直速度超快。我坐第一排超刺激，本来坐在摩托车上都是基本趴在摩托车上的，车一向下冲，就感觉到头冲向地下，好恐怖。有几次起伏的滑道，每次都有心被抛出去的感觉。时间约40秒。 第四个出场：U型滑板
尖叫度：★★★★★ 刺激度：★★★★★ 好玩度：★★★★★ 特点：U型好大好高，两边滑道几乎垂直。滑板上有两个围住坐的凳，会360度不定期随着滑板U型滑动而旋转。有时会背上前落，有时前上背落，有时侧上侧落。向心力超劲，旋转唔会好快。时间约1分半钟。我个人认为，比以上4个项目还要刺激。 最后要推荐的係：急流勇进 尖叫度：★★★ 刺激度：★★★ 好玩度：★★★★★ 特点：冲落来溅起的水花好大，正对住冲落来的滑道有个横向的过道可以欣赏溅起的水花，不过有玻璃挡住凶猛撞来的水花，若靠在玻璃墙旁，水花溅起猛力撞击玻璃的感觉好恐怖。玩呢个项目最好自带雨衣拖鞋，唔着一定会全身湿晒。排队果度有雨衣售卖点，不过要5蚊鸡一件，唔抵。果度水上项目有5个，可以买一件玩埋其他再掉咁就冇咁浪费。 玩完长隆最刺激果几个项目，突然发觉自己原来係咁大胆的。在看别人玩时会好惊，但一旦上了车，捱过短短分几钟而且能平安到达，就会好有成就感和满足感。呢D项目可以增强人的胆色和自信心，使人充满力量。我仲想玩多几次添！ 花絮：在玩摩托过山车时，有个后生仔插队，后面有两个男一直忍住，后来忍唔住细细声闹果个插队的男仔，点知插队果件即刻好嬲，喺度闹后面两个。三个人互骂几句后开始打起身。一开始寡不敌众，果个插队的被两个压住箍颈。后来插队的朋友赶来几个，加入打斗行列，之前果两个北佬有个被打得好伤，打咗一阵先有保安来调停，赶走呢班搞事之徒。其中一个北佬仲打手机话班马去门口围果班后生仔。 第一次近距离（约2米）见到呢D打斗互骂场面，好恐怖啊，吓到我不断闪开，几惊杀到埋来。发觉而家D后生仔真係容易冲动，郁D就打起身，郁D就话班马群殴，真係唔係人咁品。
July 08 鉴证实录之兽医版 去咗顺德农业综合服务中心实习了一个星期，好轻松，冇咩嘢做，得闲就帮手做下报告，间唔中外出工作，其实对比起基层，在事业单位冇咩好锻炼，做D工作好简单，只不过实习下，可以接触下社会，学下点同人打交道，顺便揾个地方渡过暑假亦不为乐事。
去实习的第二日，我就有机会外出工作。某鸡场呢几日突发死亡好多鸡，怀疑某种呢排好hit的病，我哋就要落场查证。我哋对死亡尸体进行解剖，用棉签在鸡的喉部和肛门采样，抽血，然后攞呢D样品返去检查。最终确诊不是果种病，而是另一种病。
June 19 毕业了～ 毕业了，其实冇咩太大感觉，可能仲有几年留在学校吧～
伤感，有D啦，大部分同学都走了，有D可能冇咩机会再见到，返回生源地工作的同学尤其是外省的更加少见到。
快乐，是更多的。在毕业的最后几日，全级同学都聚在一起，加上庞大的亲友团，突然发觉世界是多美好，能有咁多同学、朋友、亲人一起为自己毕业祝福。
激动，在影最后一张大合照是，将学士帽高高抛起，大声欢呼“毕业了！”
宿舍6人组＋亲友团
June 13 恭喜意大利2球完胜加纳！～ 意大利不愧为强队，出色的防守力保大门不失，皮尔洛百步穿杨精妙远射先拔头筹，亚昆塔单刀锁定2：0。今次意大利在领先的时候并没有完全退守，而是继续加强攻势。呢场比赛真精彩！
意大利出场阵容(4-3-1-2)：1-布冯/2-扎卡尔多，13-内斯塔，5-卡纳瓦罗，3-格罗索/20-佩罗塔，21-皮尔洛，4-德罗西/10-托蒂(56'16-卡莫拉内西)/11-吉拉迪诺(64'15-亚昆塔)，9-托尼(82'7-皮耶罗)。
June 12 神 佢係一个癫佬，亦係一个神。世间本没有神,不过是有些人做了一些常人做不到的事,于是就成了神。朗拿癫佬之所以成为神， 係因为佢有十大绝招：
1、任意球
2、头球
3、插花
4、停球
5、盘带
6、挑球过人
7、旱地拔葱
8、声东击西
9、神龙摆尾
10、足球乒乓
呢期D球星真dull！ 睇咗几场世界杯，冇几场十分精彩，支支队好似都冇点入状态咁。虽然德国果场上演入球大战，但德国队的后防线实在不敢恭维。英格兰一向都慢热，仲要凭借一个乌龙波先攞到3分。荷兰队除咗洛宾有D勇之外，其他都麻麻地。强队的球星们瞓醒未？？巴拉克、朗尼就话受伤唔上场可能影响小小啫，但奥云、云尼你哋咁健全点解仲踢到成撇屎咁嘎？冇瘾！
世界杯D球星们係咁，NBA的明星们又係咁。今朝睇果场NBA总决赛第二场又係闷到蕉，成场波热火都畀小牛压住打，奥尼尔真係超核突，成场波都游紧晕，净係攞咗5分，罚球又係屎到死，7中1，不过好过上场16中2。好在我支持嘅係小牛队，热火屎我仲开心，但是缺少两队精彩的对抗始终都冇咁好睇。
今晚早D瞓，听朝凌晨睇意大利VS加纳，保佑意大利取得开门红！ 世界杯大晒！ 呢排最HIT当然要数世界杯啦～大家行埋坐埋倾得最多嘅话题係世界杯，一见到面就会讲“今朝场波有冇睇啊？场波点点点...阿边个边个踢得真係点点点...”然后吡哩吧啦水个不停。
NBA总决赛打得正火热，但平时睇开篮球果班男生都转向睇世界杯，谈论世界杯多过NBA；女生们追紧嘅超级女生、娱乐节目都要加上世界杯色彩，平时对足球一窍不通嘅女生都走去睇世界杯（睇靓仔咋啩）；学校临近期末考，都要开放所有饭堂、大课室播放世界杯，宿舍更加唔使讲台台机都播紧世界杯。街头巷尾，间间商铺，张张报纸都见到世界杯嘅影子，世界杯充斥着每一个地方，听见的睇到的都是世界杯，世界杯大晒咩？！
不过，我作为一名球迷，当然要支持世界杯啦。从94年我就开始追世界杯了，可能係受老豆影响啩，在家经常同老豆一起深夜爬起身追世界杯。我係意大利嘅头号fans（不过唔係超级fans）。意大利嘅巴治奥、迪比亚路都係我比较中意的球员，虽然佢哋老矣。意大利其实一直唔畀人哋睇好，因为佢哋果种保守打法令好多机会错失，球员的不稳定状态使得好多球迷失望。但係，作为一名意大利FANS，无论意大利点都要一直支持佢哋，其实我都唔明点解自己会咁沉迷，但每次一睇到意大利比赛就特别兴奋。希望今次意大利队能发挥好D，走得更远啦，唔好畀丑闻影响到比赛。
世界杯开始了，今次终于唔使担心睇波会影响学业了，02年确实影响好大，成绩係咁多学期最差的一次（郁闷！）。呢此乜都唔理了，世界杯大晒！
我嘅第一至爱－迪比亚路
我嘅第二至爱－内斯塔 June 11 不知不觉～不知不觉我迷上《firends》，已经追到第6季
不知不觉我已经冇打波3个星期
不知不觉四年一度嘅世界杯又开始了
不知不觉大学五年生活将要结束
不知不觉到了影毕业相的时候，但好似冇乜人得闲过来同我影
不知不觉我宿舍的物品逐批逐批搬返晒屋企
不知不觉我D同学仔去晒工作但我仲留喺学校玩
不知不觉老豆老母老了，我大个女了
不知不觉时间流逝太快令我触及不了
不知不觉写咗篇废话更新咗space |
|
|
